上回講到小妹落選世界第一筍工之後便沒有再更新搞笑傲江湖。各位看倌別以為是因為小妹心灰意冷，其實我是在思考一個非常哲學性的問題。。。To be, or not to be? 講得清楚點，究竟我放上網的相有我嗰樣好定冇我嗰樣好？！
旅遊blog少了自己嘜頭的相，感覺有點像複述別人的故事，缺乏親切感，否則無綫外購BBC、National Geographic …的紀錄片再搵洪永城王翠如做旁白就得啦，使乜咁揼本拍浮華啊？！但係放呢，既怕被老媽子發現自己在南美時的瘋狂事跡後被禁足，又怕每年過時過節被三姑六婆問到氣咳。
放定唔放放定唔放放定唔放。。。定係放啲唔放啲？！放啲唔放啲，意指擺個公仔係相片上面遮醜樣。我戇居居試了好多個logo, 有威尼斯面具啦，千與千尋的無面男啦，相機、國旗、甚至大頭佛都搬過出來，就是沒有一樣啱feel。
這情況就像在馬桶上發功一樣，一鼓作氣，再而衰，三而竭，等等下只會令發功等到發呆，靈感走了，再坐下去也沒有意思。如是者，網頁荒廢了大半年。這段時間，文雖然沒有寫，但旅行倒去了幾遍。
直到近日拜讀高登舊潮文<男人唔可以窮>後心血來潮登入久違了的網誌，竟然發現這裏荒廢到生雜草都有500人參觀過！就在這個非常驚訝有啲激動仲有少少感動的時候，靈感又無聲無息的回來了。
對於我這個坐在馬桶上的旅行家 ，靈感幾時消失，我並不知道，總之我本著重質不重量的原則出得就出，看倌們等到就等，等唔到就請移玉步去下格廁所吧！
Well, 咁你之前講嗰啲哲學問題呢？
靈感駕到，仲講呢啲？！
搞左一輪，都係用番令狐大俠的嘜頭最好
沒有留言:
張貼留言